Ֆիմոզը վիճակ է, երբ դժվար է կամ հնարավոր չէ հետ քաշել անդամի գլխիկը ծածկող մաշկը (անդամի ծայրային թլիպ) և բացազատել անդամի գլխիկը։ Դա կարող է լինել նորմալ երեխաների մոտ, բայց կարող է խնդիրներ առաջացնել, եթե պահպանվի մեծահասակների մոտ:
Ֆիմոզի տեսակները
- Ֆիզիոլոգիական ֆիմոզ: Հաճախ հանդիպում է երեխաների մոտ և սովորաբար անցնում է դեռահասների տարիքում:
- Ախտաբանական ֆիմոզ: Առաջանում է սպիացման հետանքով, որն էլ կարող է առաջանալ վարակի կամ բորբոքման հետևանքով (հաճախ բալանոպոստիտի պատճառով):
Ֆիմոզի աստիճանները
Ֆիմոզը կարող է տարբեր աստիճանի լինել:
- Թեթև: Ծայրային թլիպը մասամբ է բացվում:
- Միջին: Բացվում է միայն ծայրային թլիպի ծայրը:
- Ծանր: Բացումը բացակայում է, և կարող են լինել ցավ կամ դժվարություններ միզելու ընթացքում:
Ախտորոշում
Ֆիմոզը ախտորոշվում է ախտանիշների և զննման հիման վրա, բժիշկը կարող է գնահատել ծայրային թլիպի սեղմման աստիճանը և ստուգել վարակների կամ սպիացման նշանները:
Բուժման մեթոդներ
- Տեղային ստերոիդներ: Քսուքները (օրինակ՝ բետամետազոն) կարող են նվազեցնել բորբոքումը և հեշտացնել բացումը:
- Թեթև ձգումներ: Բժշկի հսկողությամբ կարող է ժամանակի ընթացքում բարելավվել բացումը:
- Վիրահատական մեթոդներ: Եթե այլ միջոցները անարդյունավետ են, կարող է առաջարկվել թլպատում։